اعملى منعم و معطر الملابس بنفسك
او فى مية المسيح بيخلى الريحة جميلة وبعدين لقيته هيبقى مكلف برضه فعملت منعم ومعطر ملابس بطريقة سهلة والريحة اللى تعجبنى كل مرة باغيره او باعمل كذا ريحة فى نفس الوقت والاهم طبعا انه رخيص ههههههههههه
مكونات و خامات عمل ( منعم ومطرى الملابس )
- 1 كيلو بلسم سايب من العطار ب7جنيه
- ريحة الداونى
- اواى معطر مائى
- او كيس داونى صغير
- او اسنس بيرفيوم بتحبيه
- 2 لترمية
- كوباية خل
بس خلاص أظن مفيش اسهل من كدا
شرح عمل معطر الملابس بديل الكمفورت والدونى
البلسم انا جبته بدون ريحة علشان الريحة اللى احطها تكون واضحة تمام كدا جبته بالعسل وعندى دايما معطر مائى ( فل وياسمين وخوخ ولافندر و تفاح وليمون وفراولة ) مبستغناش عنهم
صورة البلسم
صورة المعطر المائى وريحة الداونى الازازة اللى فى النص دى
بس غالية طبعا تقريبا ب160 جنيه فباجيب جرامات مش ازازة
بس غالية طبعا تقريبا ب160 جنيه فباجيب جرامات مش ازازة
ودا فى منه نوعين اللى على اليمين دا الاصلى مركز جدا من 20 ل 25 جنيه هو كان ب18جنيه
والتانى دا اللى اسمه life ارخص منه , هتجيبى مثلا ب 2 جنيه كفاية انا باجيب ازازة كل شهر بتنفعنى
*هتحطى المية في اى جردل بلاستيك او طبق غسيل حتى وتضيفى كوباية الخل هتسالى طبعا خل ايه العك دا ؟ههههههه
انا اقولك دا مهمته ايه الخل هيحافظ على الالوان بتاعة الهدوم وكمان الخل وسط حمضى والمساحيق كلها وسط قلوى فمحتاجين نعمل معادلة علشان المساحيق متاثرش على الالوان وكمان متجيرش على الهدوم لو حطيتى كمية كبيرة
دا غير انها بتحافظ على الحلة الاستانلس طبعا والمواسيرمتقلقيش خالص كله بحساب
خلصنا حصة الكيمياء اللى بموت فيها نرجع لموضوعنا
بعدكدا هتضيفى البلسم وتقلبى كويس اوى لما الخليط يمتزج
ونضيف الريحة او كيس الداونى ونقلب بس خلاص ومبروووك عليكى الريحة والنعومة والتوفير كمان
ممكن تعمليه باى ريحة تانية تعجبك لو مش لاقية المعطر دا هاتى اسنس اى برفيوم بتحبية من عند بتاع العطور او ازازتين مية ورد من عند العطار او حتى فانيليا او روح ورد او برتقال اللى بنستخدمهم فى الحلويات الازازة مش غالية ب 2 جنيه تقريبا
دا انا عملت 3 لتر وقسمتهم شوية للغسيل والباقى للمسيح وتعطير الستاير والشقة ها تحسبى معايا بقى دلوقتى عملتى 3لتر منعم ومعطر ملابس تقريبا ب 10جنيه بس
وبالنسبة للى قلقان من الوصفة على فكرة المنعمات اصلا داخل تركيبها بلسم
وبالنسبة للى قلقان من الوصفة على فكرة المنعمات اصلا داخل تركيبها بلسم
تعليقات
إرسال تعليق